A correcta montaxe e instalación de infraestructuras de son para calquera tipo de producións audiovisuais e de espectáculos, así como a comprobación do funcionamento e o mantemento dos equipos, son destrezas fundamentais para todo técnico do sector.
Ler máis
O coñecemento dos diferentes tipos de micrófonos, a súa colocación e os diferentes usos aos que se destinan (voz, instrumentos, amplificadores) é o primeiro paso para obter un son limpo e de calidade, algo imprescindible para traballar profesionalmente na mesa de mesturas ou nunha plataforma de edición de son.
Ler máis
Porque unha imaxe vale máis que mil palabras, o control da técnica fotográfica, así como das posibilidades de retoque e manipulación da imaxe dixital, xunto coa creación de gráficos e ilustracións, constitúen unha poderosa ferramenta de comunicación que o/a técnico/a en vídeo, disc jockey debe dominar.
Ler máis
Mesturar en directo non é todo en son: ás veces queremos que o produto final teña unha elaboración fina e coidada. Para iso, no mundo do audio contamos con plataformas de edición dixital (DAW) que nos permiten procesar o noso proxecto dun xeito detallado e medido a través de software informático.
Ler máis
Identificar as técnicas básicas da planificación, encadre, composición e captura de imaxes en movemento, recoñecer a arquitectura de códecs dos clips de vídeo e aplicar os principios da edición e montaxe de vídeo coas aplicacións informáticas actuais, permitirannos acadar un dominio das técnicas da linguaxe audiovisual.
Ler máis
A música é a esencia do DJ. E para ser un profesional deste eido, hai que coñecer cada un dos estilos, a súa estrutura e os elementos que comparten. Só coñecendo a evolución musical avanzaremos nas mesturas que farán de nós recoñecidos disc-jockeys. Por suposto, esas mesturas faranse con ferramentas técnicas que facilitarán a nosa labor.
Ler máis
Coñecer as características básicas do deseño de iluminación para espectáculos en vivo. Instalar, direccionar e controlar o equipamento técnico de iluminación dun espectáculo empregando hardware e software actuais.
Ler máis
Se queres traballar no mundo audiovisual, lembra que o prazo de inscrición xa está aberto! Tes dende o 15 de xuño ás 9:00 horas ata o 30 de xuño ás 13:00 horas. Podes presentar a túa solicitude presencialmente no IES Virxe do Mar ou facelo en liña premendo no botón de abaixo
Iniciar inscrición en liña
O curso 2026-2027 estrea nova aula: un espazo profesional convertido en plató de televisión, estudo de pódcast e sala de disc-jóckey
Ler máis
O xoves 18 de xuño ás 17:00h abrimos as portas do ciclo de Técnico/a en Vídeo, Disc-Jockey e Son. Ven coñecer as instalacións, falar co profesorado e probar o equipamento profesional. Resolve todas as túas dúbidas sobre o acceso e a matrícula
Ler máis
En Noia está o único instituto de toda a comarca no que se imparte unha titulación que combina a aprendizaxe audiovisual con nocións de iluminación e música en vivo | Nova de La Voz de Galicia
Ler máis
Galería de fotos realizadas por La Voz de Galicia
Ler máisNeste ciclo apréndese a realizar sesións de animación musical e visual, captación e gravación de son, fotografía dixital, edición de vídeo, mestura de son, iluminación de espectáculos e produción audiovisual.
Para acceder ao Ciclo de Vídeo Disc-Jóckey e Son (grao medio) debes cumprir algún dos seguintes requisitos:
Se non cumpres ningún destes requisitos, podes informarte sobre as probas de acceso que convoca cada ano a Consellería de Educación.
Non é necesario ter experiencia previa en vídeo, fotografía ou son. É un ciclo ideal para persoas interesadas na produción audiovisual, eventos en directo e son profesional.
A nota de corte varía cada ano segundo a demanda e o número de prazas dispoñibles. Recoméndase consultar o proceso oficial de admisión cando se publique a oferta de cada curso.
O prazo de inscrición para o curso 2026-2027 é do 15 de xuño ás 9:00 ata o 30 de xuño ás 13:00 horas. Unha vez feita a inscrición, o alumnado participa no proceso de admisión, no que se asignan as prazas dispoñibles. No caso de ser admitido/a no ciclo, deberás formalizar a matrícula online ou no centro entre o 10 de xullo ás 9:00 h e o 15 de xullo ás 13:00 h.
O ciclo dura dous anos e inclúe prácticas en empresas de aproximadamente 3-4 meses (500 horas). O horario é de mañá de 8:45 a 14:25 e dous días á semana en horario de tarde de 16:00 a 18:30, que se comunican ao alumnado ao inicio do curso escolar.
Ademais do material escolar básico, terás que levar sempre contigo un disco duro externo para gardar os teus proxectos, tarxeta SD para operar coas cámaras de foto e vídeo e coas gravadoras dixitais, e un pendrive para trasladar arquivos entre ordenadores con máis rapidez. Tamén se precisan auriculares para as mesas de mesturas, un polímetro e un soldador de estaño para traballar no taller. O primeiro día de clase, os docentes detallarán as especificacións destes materiais. E nada máis, porque o centro dispón de equipos para prácticas, incluíndo un ordenador por alumno e unha controladora de DJ por alumno.
O ciclo conta con equipamento profesional de última xeración, incluíndo cámaras DSLR e 4K, estabilizadores gimbal, iluminación LED, mesas de luces, fondos de estudo, proxectores e mesa de realización no estudo de televisión. En son, inclúe mesas de mesturas, controladoras de DJ, micrófonos profesionais, cabina de DJ, gravadoras de son dixital multipista e interfaces de audio como Focusrite. Para edición e produción empréganse ferramentas estándar da industria como Cubase, Traktor e Adobe Creative Suite, con ordenadores individuais para cada estudante.
Si. O ciclo inclúe unha fase de formación práctica en empresas do sector audiovisual, que o alumnado debe superar para poder obter o título.
As prácticas realízanse en empresas do sector audiovisual e do espectáculo, como produtoras audiovisuais, estudos de gravación, estudos de dobraxe, emisoras de radio e televisión, empresas de son e iluminación, eventos, salas de concertos, teatros e outros servizos relacionados coa produción audiovisual.
Non. Trátase dun ciclo formativo impartido nun centro público, polo que a matrícula é totalmente gratuíta. O alumnado só ten que aboar o seguro escolar obrigatorio, cun custo inferior a 2 euros. Ademais, poden existir pequenos gastos en material persoal, como material escolar básico (libretas, bolígrafos, etc.) ou dispositivos de almacenamento, como discos duros ou memorias USB, para gardar os proxectos.
Moitos alumnos e alumnas desprazanse diariamente desde concellos próximos. Vivir en Noia non é obrigatorio, aínda que dependerá da distancia e dos medios de transporte dispoñibles na túa zona.
Ao rematar o ciclo poderás traballar como disc-jóckey, técnico/a de son, microfonista, axudante de montaxe de son, retocador/a fotográfico dixital ou en empresas de produción audiovisual, espectáculos e eventos.
Poderás acceder directamente ao Bacharelato, cursar outro ciclo de grao medio ou acceder a ciclos de grao superior.
O ciclo impártese no IES Virxe do Mar, un centro público de educación secundaria e formación profesional en Noia (A Coruña), sen carácter relixioso.